2009年12月30日 星期三

盤點2009年

走堂走得太多,成個十二月甩晒咁滯.臨尾都要交代得好睇啲.

今年又係歸有光話齋:既可喜,亦可悲.(其實年年都係)

各位不見影的老友記,你們今年過得如何?我就重咗好多,又整出個貧血狀況.來年都真係要補補,但係又唔可以燥噃.今年維修成績的確差.

過去的人事,逝如流水,但天地有記載,終有一日要埋數.大家又無須傷懷.

人到中年,眼界如萬花筒,明知再轉出的都是舊款,但仍然天真的期望喜慶,或者真係有呢? 近事沒計較,遠史郤頓悟的明白過來.原來當日那幾句話是這樣解-恐龍的腦,是要千迴百轉才收到幾哩長交感神經啄磨出來的痛-歷時如此長,feel /felt到果陣又無咁攞命嘞.
至於世事,仍舊倉皇,潮啲就係”頹”.頹在正氣不長,歪理盛行,掌權人不識正道,更不知恥.

幸有新生熱血,不依牌理,戲假情真地照著”早上八九點的太陽”,實踐”世界始終是我們的”.

即使天是一日日的霉下去,想來都不必太灰心,相信雞蛋這一邊該還有很多人站著.擲完了,最多咪無蛋食.有樽鹽,仍會牢牢的握在手上.總之,哨聲一響,你都喺度就得嘞.

2009年12月8日 星期二

Benchmarking M&S

Marks and Spencer 一直都仁慈的了,舉世有品冇品有牌無牌女裝都硬要把尺碼下延得更細,腰位收到更收,連大碼也像是乜乜站自討不吃的飢民才配穿的衣服時,來自英倫的沙煲兄弟,麥氏和賓莎仍是笑咪咪的,吩咐自家裁縫還大家一個公道,由6到18碼,大中細都到尺寸,沒有慳布半賣那回事.於是定期到M&S 試衫,仍信其公信第一: 嘩,好彩,重著得落x碼.

M&S benchmarking通常都吸引一群唔買都試下的人,如我.因為那點體貼.自己知自己事,無謂自招煩惱,備受其他cutting 奚落.

講開Marks and Spencer, 原來發祥地咁啱又係喺Leeds, 兩人百幾二百年前由當地雜貨鋪做起,整整下因為Leeds 係英國早期紡織業重鎮,(你記得Leslie Cheung N 年前就係喺Leeds U 讀Textile, 聞說無畢業,)因勢利導主力做衫之後變成衣,結果就係今日的故事.在Leeds 時,寫信給香港友儕時,總比喻自己住在英國荔枝角,連讀音也像.其實以城市性格及發展規模論,Leeds更像對落啲既深水埗.好草根.

追蹤者

標籤