只要你每日需照顧家人兩餐，周時選購日用品，並且發現格價的必要，師奶之術即告初成，管你身份是否人妻，人母或者是否女性．任你平日多瀟洒，使錢幾疏爽，一旦掉入周而復始日日要為家人補給基本需要的循環，銀包一日開十幾二十次，有出冇入，心理即起變化，當堂對小數大為戒懼，怕咗長計．然後會發現超市連鎖店外有另一個價格體系，一袋廁紙會平成五六蚊，兼且有多於三種替代牌子，雖然你從未聽過，因為無電視報紙廣告，但係又好似都幾用得噃：新世界新秩序從此浮現，要旨是重歸街市和發掘環頭環尾的好路數，懷念阿媽秘笈．而因為手提物太重，做採購的一定會找最短最有效的路線，機會成本的運算，無比複雜，坐享其成的人，哪會得知．從大食懶到行足三間藥房買包廚房抺紙的變身，一日出繭． 實情人人無論性別都有師奶錙銖必較的基因，只差沉睡到幾時而已．
當然無乜出奇，好多人都係咁，不過對慣常miss 咗人生check points 的我而言，因為外傭無秩序離去，急上馬客串家務總長，真係你都有今日．講明，我素來敬拜師奶，只怕高攀唔起啫．
當然無乜出奇，好多人都係咁，不過對慣常miss 咗人生check points 的我而言，因為外傭無秩序離去，急上馬客串家務總長，真係你都有今日．講明，我素來敬拜師奶，只怕高攀唔起啫．
沒有留言:
張貼留言