我最喜歡的二十首中文歌曲

在Facebook 眾多玩意中，最能發blog 之微的是你的十大乜乜愛惡之選類，盤點下來，倒也看得清自己的生命圖案；今次被人tag中要玩的是你最喜歡的二十首中文歌曲，一於借題填誌．

1. 從不知（郭小霖，captured 咗我二十年前的英國秋瑟mood）
2. 也許（何家勁，年少時徹底不賣他的靚樣帳，事後醒起佢其實好多瓣都掂）
3. 情人(Beyond, 唔使解啦）
4. 歲月無聲　(Beyond, 都唔使解）
5. 一個人（鬼佬林子祥，居然上接詩經：出東門兮，有女如云，雖則如云，匪我思存．．．）
6. 似是故人來（梅艷芳，林夕遣詞造句雙聲疊韻排比對偶連回文字工整之極作）
7. 深秋立樓頭(徐小鳳，湯正川無句通，文法不合，約莫知佢講乜之朦朧詩怪作，奇在我又記得晒啲歌詞）
8. 每當變幻時（只係呂珊版，Jazz off beat 編排，全洗油膩脂粉味，泣訴間又很疏離，喊完化番個薄粧，天涼好箇秋咁款）
9. 別等（達明一派，又係關英國事，歐陸自我沉溺feel，聽到就想搭長途火車）
10. 橄欖樹（齊豫，到今日都要讚清新，齊高亮帶沙啞嗓子，寬廣的音域，木結他的清亢，絕對係一代女性的誕生）
11. 昨夜的渡輪上（李炳文，夠土，夠業餘，又本地，為填到無乜賸既維港唱了的昨日之歌）
12. 疾風（陳百強，好爽，以為打咗氣就乜都做得成，奮發向上的八十初年代）
13. 沒有發生的愛情(林憶蓮，精緻的九十年代傷逝，其實一樣傷，潘源良的好嘢）
14. 你怎麼捨得我難過（黃品源，隨時係普選第一的失戀飲歌，藍宇挪用後，更有同志述懷的劃時代意義）
15. 明知故犯（許美靜，超實淨之作，包括歌詞及唱功，一刀就插埋呢）
16. 大丈夫／真的漢子／友情歲月（關正傑，林子祥，黃耀明－鄭伊健無份，三首應該出串燒re-mix 版，叫brotherhood and solidarity－相同主題唱三代，戰無不勝，打死罷就，兄弟上．）
17. 是這樣的(梅艷芳，因為阿飛正傳和鍾曉陽，更因為有人在閣仔梳頭的音樂．）
18. 讓一切隨風（鍾鎮濤，阿B 哥年輕時扮的落寞，其實是遙拜澤田研二的真銷魂，原裝的任意讓時光消逝令人黯然十八倍）
19. 約定（如果王菲要有一首，要甜還是苦?害怕悲劇重演的，惟有選約定）
20. 微風中（孫明光，最後一首，原來好難揀，因為在邊緣，好多條件類似，呢一首，因為輕巧）

暫時係咁．