又再甩轆

一心想落手鏟煤燒水，開動那蒸氣火車頭，好好醜醜都要交個西伯利亞出呢之際，忽爾又聽到有人新鮮滾熱辣去完冰島，梗係又碌番落車，八埋至行啦．

早日，有電台節目請來某演藝小生大談冰島之旅，即時恭聽．嘩，人家好落本行好遠路噃，一心以為有影像以外好路數介紹，結果：

主持：果度有乜風景呀，特別地方好玩?

小生：唔，我去之前都有做過research架, 首都果度有好多大Mall, 好多你想玩既野都有，吃喝玩樂，shopping 睇戲都齊．夜晚又有啲地方去蒲既都有．

主持：咁首都以外呢?

小生：咁就無乜野啦，我地拍野果度一到夜晚就無野做，頂多係去食個飯咋．

主持：咁有冇去睇一啲北極光呀呢啲?

小生：呢啲就好多度晚晚都有團，其實阿拉斯加呀好多度都有．．．．

對唔住，係聽到咁多．可能隨即有大量冰島風光，冷原地貌及地殼運動三十億年的介紹說不定，但前言落筆打三更，以Mall 景為冰島地標，向世界出發之終極關懷為蒲點，我明白何解有人寧願向世界裇髮．

咁都睇唔開? 我真係唔啱．