在香港，shopping 是天經地義二十四小時全天候無難度的人民運動：當萬事不由你作主，六成民意也僅供參考之時，上街齋睇唔buy, 或者買到一口泡，似乎是唯一的自主劇場．職是之故，shopping 根本無所謂late night.但在英國，我話二十年前，大部分商鋪一至六頂多開到晚六時（秋冬早就黑齊），星期日就更是休息，所以聖誕新年前的Late night shopping 就十分巴閉．當年在Leeds，百貨公司高級的叫Lewis's，中型的M&S，Debenham，時尚服裝如Next，Top Shop等及舊式Malls 都擠滿人．不過說是Late night, 也只不過是到八時半，多百幾分鐘啫．然而，也夠令人興奮，冬夜晚有街可上．聖誕掃貨大行動，全城人好像跑出來了，那幾天的人潮，比諸平常逛街見慣的淡靜，是無法想像的．一如香港過舊曆年的辦年貨，喂，趁墟囉．古今中外，全同．之後聖誕前夕開始的四天連續假期，真的是全民收工，市面死寂，街上無有一人．
香港現在全年已經無休，過年都無面俾，吃完初一午飯，即可落街飲冰，唔夠新衫又可即買．再沒有停頓後恢復的期待，其實很沒趣的．不過，平日晚上行街的確又很盞鬼：五光十色的諸般貨品，在燈影的烘托下是令人愉悅的，太平盛世呀，選擇繁多．心靈再空虛，感情再受挫，都有物質滿滿的安慰．唔買都睇下．
最fulfilling 的一種citizen revolt.
沒有留言:
張貼留言